【Viu】眨吓眼Stephy鄧麗欣一連三場紅館騷《STEP by STEPHY 鄧麗欣紅館演唱會2025》，今晚尾場！繼前兩晚搵咗男神s林峯、MC張天賦合唱《好心好報》之後，尾場由「細佬」Jeffrey接棒合唱《好好戀愛》！
Stephy先抵死笑言同細佬唱呢首歌好有「亂倫」嘅感覺，全場聽到笑到有腹肌！佢又表示好欣賞Jeffrey呢位小朋友，好難得有咁乖、咁有禮貌嘅靚仔！Jeffrey唔止回禮讚家姐真人靚過上鏡，仲帶咗份溫馨小禮物嚟送畀家姐添！而Stephy一睇到份禮即刻笑話物似主人形，一樣都係咁「中二」呀，到底係份咩禮？呢兩姊弟最後又搞笑為主演電影《紅豆》谷票房！另外，尾場嚟睇騷嘅有好姊妹Miki嘅老公同小朋友、Amy Lo、Van@Nowhere Boys等，即刻去睇實況片！
