【Viu】《Leap of Faith》係Gin Lee李幸倪加入新公司後嘅第一張專輯，其中新歌《無愧於當初的我》呼應返13年前果首《今天終於一人回家》，佢由隻身嚟香港追夢，到上年喺樂壇頒獎禮上大豐收，都算對自己有個交代啦！Gin Lee唱功了得，未入行前已兩度被唱片公司睇中，但當為咗讀書而拒絕簽約。不過畢業之後，就要靠自己一手一腳去搵機會，但屢次寄demo慘被食檸檬，佢坦言都後悔冇早啲簽公司。
Gin Lee喺音樂家庭長大，佢細細個就跟住父母搵真銀，但回想起第一次出Show，佢就有個不愉快經歷。之後喺婚宴上演出亦試過被柴台，真係少啲EQ同舞台經驗都唔得啊！
Gin Lee嚟港奮鬥15年，除咗有一班「幸運兒」大大力Support，仲有一位喺默默支持佢嘅男人， YT周殷廷對Gin Lee嚟講就如家人般的存在，兩位互相扶持、打氣，係愛啊！
