【Viu】「皇后」Ivana王菀之為紀念入行20周年舉行一連兩晚紅館騷《合體─王菀之演唱會2025》，尾場仍帶病上陣晒靚聲，且繼續有固定嘉賓「皇上」張敬軒！軒公晏晝出event嗰陣仲笑話做嘉賓做到好似開盲盒咁，唔知喺邊度出場，而呢晚佢照舊由台中間升上，不過就變咗同皇后背對背咁坐！
同頭場一樣，二人先沉默約兩分鐘醞釀情緒，分別在於尾場冇觀眾亂咁大叫，所以軒公唔使出動spot light啦！二人初頭仰望微笑，但未幾Ivana就開始爆喊，合唱《下次愛你》場面依舊感人！最後皇后back hug皇上，二人再走到台中相擁，皇上細心為皇后整理儀容後離場！
經過呢段heavy環節，Ivana秒啟動hyper mode，帶動全場fans企起身唱《狠愛狠愛你》！最後一首歌《小俠》仲嚟咗個萬人大合體，齊齊飆高音！去到encore，Ivana見係尾場就賣大包先自彈自唱《把戲》，再唱埋《永遠幾遠》冧fans，佢笑言呢首歌係喺歌單中cut走，呢首歌可以「重出江湖」堅係好surprise！
另外，劉德華、張學友、林家棟、張敬軒、陳慧琳、胡楓、方力申、炎明熹等則送贈花籃祝賀！快啲去況實片聽歌啦，仲有經典歌《我真的受傷了》㗎！
