【Viu】「第四十三屆香港電影金像獎」今日舉行記者會，交由4位特別嘉賓Angela袁澧林、Marf@COLLAR、George@P1X3L、Yoyo謝咏欣宣讀入圍名單！
其中Marf顯得份外緊張，誤將「美術指導」講成「美食指導」，引全場發笑，Marf事後笑話有10分緊張感！聽到自己憑《寄了一整個春天》入圍「最佳新演員」、「最佳原創電影歌曲」，Marf話當下要特登控制自己情緒，好戥團隊開心，不過至今都仍未反應過來！有指屆時可以攜眷出席，Marf竟笑答唔會帶男友Locker，反而會帶另一男子！唔知Marf對攞獎有冇信心？
George主演電影《不赦之罪》或今年上映，佢話都好期待下屆嘅「最佳新演員」項目聽到自己個名！二人主演電視劇《那年盛夏我們綻放如花》曾傳會拍電影版，但佢哋今日就透露電影版應該未必有了！
Yoyo最懊惱係讀唔出Marf個中文名，笑話好彩Marf原諒咗佢！仙氣登場嘅Angela話宣讀入圍名單前比較緊張，但一見到談善言、鍾雪瑩、許恩怡呢3個名，興奮多過緊張，而佢哋更一致力撐許恩怡攞獎添！至於男主角方面，Angela就點名撐游學修啦！Angela又大談擔任香港國際電影節大使感受，想知就快啲去睇足本訪問片啦！
