【Viu】佘詩曼今日現身保良局新春團拜，即場獲委任愛心大使，阿佘表示好榮幸呀！喺過去嘅農曆新年，阿佘話淨係放咗3日假，喪團拜同喪補眠！
阿佘笑指今年都有同Edan@MIRROR、Jer@MIRROR、肥仔@ERROR開枱打麻雀，當問到邊個贏輸嗰陣，起初阿佘笑笑口話唔敢講，但最後都有講佢贏咗$30，同埋透露咗一句：「今次Edan有啲問題！」仲話Edan失策添！莫非Edan一家輸三家咁甘？大家睇片解讀一下阿佘個微笑啦！至於講到邊個牌技最好？佢就二話不說點名肥仔，仲話就連吳君如都認同添！
另外，見阿佘最近多咗個儲公仔嘅新興趣，佢開心笑話全部都係人哋送，當中包唔包括追求者先？阿佘更搞笑還原親自落舖買公仔但食白果經過添！同場主席龐董晶怡、總理蔡加敏嚟緊會同阿佘有咩合作大計？想知就即刻去睇足本訪問片啦！
