【Viu】日本殿堂級歌手中村雅俊，當年憑電視劇《前程錦繡》喺香港爆紅！中村San演得又唱得，有唔少香港歌手都有改編翻唱佢嘅金曲，就好似有羅文《前程錦繡》、黃凱芹《雨中的戀人們》、關淑怡《一首獨唱的歌》等，首首都堅係可以隨時大合唱㗎，勁受歌迷歡迎！
眨吓眼中村San已經入行50年，嚟緊嘅5月尾會再訪香港、喺伊館舉行50周年紀念騷，唔知佢私下會點慶祝踏入「半百」周年？問到佢到時會唔會大唱廣東歌？中村San就大賣關子啦，話要考慮吓先喎！相反問到佢識邊句廣東話，佢就係咁「拋書包」，講得咁標準喺邊度學返嚟？有咩說話想同香港fans講？
「50」呢個數字絕對係一個重要嘅里程碑，如果要中村San用一個字形容呢段音樂歷程，佢會點答？仲記唔記得第一次上舞台表演嘅心情？咁多年以嚟，中村San發生過啲咩蝦碌事？竟然係唱唱吓歌嗰陣大停電，佢又點樣執生？誤打誤撞成「木屐牛仔褲」潮流嘅帶領者？就等中村San坐定定話畀大家聽啦！
