【Viu】「姜神登」姜濤、Anson Lo、Edan今日孖住charm爆現身商場出席品牌活動，異口同聲笑話素顏嗰陣最啱戴眼鏡，問到邊個係眼鏡控嗰陣，姜濤即鬼馬指住教主！
早前Jeremy爆料話今年陸續有成員會出碟兼開solo concert，撈撈認咗會出碟同再開solo concert，依家就係錄歌階段，而兒登就漏口風爆個騷會喺下半年，唯獨姜Admin堅持唔爆料，真係好口密呀！
再問到姜Admin喺《無用的謊言》入面係咪真係唔會同Yoyo錫錫，食白果？佢繼續賣「瓜子」叫大家睇最後一集！日前孖同劇演員開live，被大表波篤爆考車牌考咗兩年，依家有咩進展？三奪「至HIT推崇男歌手」感受？
兒登為Dear Jane x 五堅情嘅亞博騷擔任嘉賓兼社工E，佢開心話一次過同兩隊crossover，身為「堅果」嘅佢沾沾認：「真係有啲叻！」仲笑提佢一秒K.O.老友邱鋒澤，兒登有咩勝利宣言？生日在即，Edan出post話同咗屋企人食咗生日飯，見到小如豬join咗入TG group，之後會做埋admin？另外，聞有鏡粉喺Threads不滿經理人偏心，三子大方回應，叫大家唔使太擔心佢哋嘅工作呀！快啲去睇足本訪問啦！
