【Viu】第18屆亞洲電影大獎頒獎禮將於3月16日假西九戲曲中心舉行，今日先開記招公布16個獎項入圍名單，兼宣布「大哥大」洪金寶為今屆嘅評審主席！嚟自日本嘅藤岡靛（Dean FUJIOKA）則被委任為大使，另外4位青年大使包括有茱蒂蒙翠莎容素欣（泰國）、林柏宏（台灣）、盧鎮業（香港）、岡田將生（日本）！
今屆一共有30部入圍電影，當中南韓電影《破墓》囊括本屆多達11項提名最多！香港出品《九龍城寨之圍城》亦有9項提名成為焦點，包括入圍最佳電影、最佳男配角（伍允龍）、最佳剪接等！《破·地獄》、《爸爸》同獲3項提名，其中許冠文、劉青雲雙雙入圍「最佳男主角」、
朱栢康
入圍「最佳男配角」、蘇文濤則角逐「最佳新演員」！「最佳女主角」方面，張艾嘉憑《女兒的女兒》獲提名！
大哥大喺記招後受訪，身為評審主席嘅佢表示會持平處理，唔會偏心！講到由佢宣讀《城寨》入圍「最佳電影」，大哥大指係特別開心，又點名希望伍允龍能夠「零的突破」攞獎！提起金像獎各獎項最近接受報名，有指古天樂為力撐林峯封影帝而退守男配，大哥大就話對呢件事唔知情啦！另外，大哥大日前73歲生日，佢開心話有乖孫TJ請佢食生日飯！快啲去睇足本訪問啦！
