【Viu】港韓泰三地女團代表Ivy So@COLLAR、前CLC成員Elkie莊錠欣、NiKY@QRRA今日齊齊大騷美腿出席商場活動，NiKY大晒廣東話，Ivy仲自創金句召喚Candy添！
Ivy笑認細細個聽CLC嘅歌長大，不過Elkie只係早入行啫，仲自爆中學時肥到58kg，但唔介意黑圖被公開！Ivy又預告COLLAR會喺年廿九合體飲茶兼行大運，仲爆埋細佬用Day應援對抗自己，笑Cry呀！
至於Elkie就唔想認前輩，皆因自己年紀尚輕，仲品評埋老友舒華同子瑜嘅廚藝添！而NiKI就大讚香港男仔斯文又有禮，仲點名想同洪嘉豪合唱英文情歌，想知點解就睇足本訪問啦！
