【Viu】《培生擂台：無敵盃》今晚喺灣仔修頓場館舉行，前亞視一姐阿儀亦有現身撐早前被捕獲Date過嘅BabyFace，但佢就勁緊張高呼「唔支持佢」，笑C！而喺話題比賽BabyFace大戰魔筋斌叔中，BabyFace被撳住打到坐咗3次落地，最終拳證以安全為由直接終止拳賽，由斌叔獲勝。
但斌叔冇沾沾，仲同BabyFace friend咗：「如果我係女都嗒佢糖呀！」斌叔又謙稱冇錢，只能買山頂飛俾老婆同囝囝嚟應援。咁獎金點用？佢苦笑話焗住俾老婆。講到BabyFace賽前嘅「白卡論」，佢爆話係同鍾培生嘅宣傳手法。
而193今晚亦孖住Dee哥嚟撐YouTuber老友Andy哥大戰RockGor，可惜Andy哥輸咗變Andy仔，未能威俾老友睇。不過佢話力已盡，而賽前話想靠打拳戒酒嘅Andy仔，打完比賽即隊兩罐大啤先，爽喎！但佢話心願係要打贏一個人，咁係邊個呢？
而主辦人鍾培生就喺賽前宣布加咗K.O Bonus，但可惜未有拳手贏Bonus。另外仲有49歲從日本受邀參賽嘅前WBO拳皇野上真司VS 僅23歲嘅香港葵芳AK、首屆女拳上陣Kamchi對戰細細等精彩賽事，想知就嗱嗱聲Loop爆足本訪問片啦！
