【Viu】林明禎今日出席電子產品快閃活動，喺中環街頭跳舞，吸引十數fans撐場！自上次主演電影《手機見鬼》首映禮失場後，明禎呢日首度見傳媒，雖然事前冇安排採訪及訪問環節，但佢都好nice企定定影相接受訪問，明禎話首映風波後有同彭發導演聯絡，已真誠地道咗歉！明禎話當晚搵到護照之後，都有第一時間通知主辦方，對方話希望明禎趕得及去電影播出後嘅謝票，而佢都好慶幸自己趕得到，本來已準備好謝票，但可能因安排問題，最後無入到場謝票，因為有粉絲喺場外，所以就同佢哋打招呼影咗合照！
對於彭發好嬲，明禎覺得可能只係溝通誤會，大馬主辦方有同導演解釋清楚返件事，明禎話自己同導演道歉時，對方亦笑容滿面話冇事，相信事件已平息！
講到電影公司要賠錢？明禎話呢部份就清楚，其實佢點會唔想出席自己電影首映禮，自己用心完成嘅作品，十一月都有配合做過宣傳，又喺馬來西亞跑宣傳，又呼籲粉絲到場呀咁！對於因此被網民封「大話禎」，明禎就覺得控制唔到人哋點講，合作過嘅都知佢嘅工作態度！聽見話Edan都讚佢，佢就話多謝Edan，亦收到合作過嘅朋友、導演私訊鼓勵，感到溫暖，會放在心！佢亦唔怕今次事件會影響自己喺其他導演心中形象，佢會做好本份，亦會繼續配全宣傳，嚟緊仲會安排謝票！快啲睇足本訪問啦！
