【Viu】53歲趙學而今晚喺麥花臣開騷《趙學而50 Plus演唱會》，順道慶祝入行30年，呢次更係佢初嘗band sound元素！不過而婆話今次開騷嘅成就解鎖，係再唱《反叛情歌》嗰陣冇咗種恐懼感，究竟而婆係點克服嘅呢？
而婆指呢晚真係出盡奶力，謙稱都一把年紀，唔知而婆最鍾意邊一part？過去開騷而婆都難以忍住淚腺爆發，今次全晚都冇失守，佢解釋係關主題事，更笑話依家識鼓勵返大家轉頭，又謂自己嘅性格都真係改變咗好多，開朗咗、睇化晒，唔再係一副殺父仇人嘅樣，真係好real呀！
近呢兩年而婆都Keep到一年一騷，會唔會可以繼續以呢個pattern唱落去？即刻入紙申請紅館嗎？甚至考慮走tour？另外，呢次開騷而婆邀請咗曾經參加過《全民造星》嘅Alvin、Travis做嘉賓，指想畀啲機會有天份嘅歌手，等多啲人認識佢哋，之後會唔會同其他《造星》仔仔合作，例如：MIRROR、ERROR等？點知而婆嗌怕醜！睇完足本訪問仲有靚歌聽，記得loop完再loop啦！
