【Viu】電影《爸爸》今日首日上映，「爸爸」劉青雲、「媽媽」谷祖琳、導演翁子光馬拉松式謝票谷爆票房，青雲鬼馬食字：「謝得好快！」小谷亦笑話：「謝得好行！」開畫票房送，輕鬆破150萬！
青雲先搞笑篤爆導演私心想捧紅自己隻貓「三花」，所以先畀個角色貓貓演；之後又呷醋「投訴」小谷同翁子光私下好熟，甚至連戲中個女都好似唔多黐佢咁，咁青雲有冇出大絕嚟引囡囡注意先？
小谷指雖然同青雲合作過幾次，但都係頭一次咁close咁多對手戲，形容對方呢次好似一舖過谷晒啲戲出嚟！咁有冇被男神青雲電親先？而講到小谷喺IG回信畀青雲同個仔，佢指因為喺戲中冇機會表達，出post嗰陣都有眼濕濕！
對Edan@MIRROR飾演大仔嘅年青版，青雲笑指佢哋個樣真係好似，又大讚Edan係有諗法、冷靜、淡定嘅演員，同對方演對手戲覺得好舒服！翁子光亦讚嘆Edan啲戲係由骨子內滲出嚟，更相信Edan之後會愈演愈好！至於講到Edan流嗰滴淚令觀眾動容，翁子光踢爆Edan演另一套戲喊極都喊唔出喎！仲有冇爆咗啲咩料？
另外，問到如果電影票房成績再好啲，青雲同小谷會唔會演場live合唱《這是愛》？青雲即耍手擰頭嗌唔好話唔想倒米，之後仲自爆咗自己演藝身涯嘅唔同「角色」，當中竟然包括rapper？即刻click入足本訪問片睇青雲有幾風趣幽默啦！
