【Viu】「天王」郭富城今日出席健康食品活動，佢透露嚟緊會做「空中飛人」開tour，先飛三藩市、洛杉磯，後台北、印尼等地，城城驚喜預告台北場個rundown會大改，唔知喺歌衫上，有冇keep返城城最愛嘅「窗簾」頭呢？佢又指完咗美國站都趕得切返嚟香港同屋企人過聖誕節，台北站仲係會一家大細陪飛添！
城城指完咗台北站後，就會返內地開戲，咁啱早前有消息指《城寨》嘅龍頭同終章獲批喺內地拍攝，莫非城城係開拍龍頭？點知城城開估話係拍另一套電影，戲中飾演追債鬼，係佢從未試過嘅角色！至於《城寨》嘅龍頭，城城指暫未收到劇本啦！
眾所周知城城係愛馬之人，名下現有三匹愛駒，佢自爆最新嗰隻馬係最近bid返嚟嘅，仲未諗叫咩名，希望自己眼光唔差啦！而日前城城被影到入沙圈嗰陣因為冇著西裝而被拒，城城呢日解畫指其實嗰日有帶西裝褸，只係冇攞落去啫，以為依家馬主嘅衣着會簡單啲！對有網民指佢當時表現淡定、好有修養，城城又點回應？覺得仲要着西裝入沙圈不合時宜？睇足本訪問啦！
