【Viu】劉青雲、谷祖琳、麥沛東、東方昇、專家Dickson等今晚喺奧海城出席電影《爸爸》首映禮。「爸爸」青雲表示勁冧戲中一對仔女蘇文濤、熊諾頤，更笑話玩人哋仔女最幸福，唔使佢養。
講到票房壓力？又有冇信心憑角色4度奪金像獎影帝？青雲話聽到坊間對佢嘅演技有好評語，但都係宣傳？又話睇好戲中貓貓攞「最佳畜牲獎」。佢又表示遲啲會去睇老友子華神嘅《破·地獄》，開心觀眾有新刺激。
演茶餐廳伙記嘅阿卵楊偉倫自稱負責教壞「阿仔」蘇文濤，可惜對方太乖，失敗而回。「阿仔」蘇文濤就爆家人最初反對佢嘅處男電影就演弒母殺妹角色，幸獲阿卵指點令佢放鬆。導演翁子光更為二人集結白只成「殺人者聯盟」，嗱，是咪有新戲睇先？！想知更多就睇足本訪問片啦！
