【Viu】組合JFFT自「抽水風波」後今日現身跑步活動接受訪問，床哥先透露心情，指有慢慢回復正常，覺得呢一次嘅風波係上咗一課！身邊三位兄弟幫拖同時又做「花生友」，笑指呢次係煲大咗少少，但去到年尾、特別臨近頒獎禮有noise都係件好事！風波後床哥單人嘅IG follower急升，笑話多咗人認識係不幸之中嘅大幸，四子繼而承認係因入咗叱咤我最喜愛組合5強而沖昏頭腦，呢段時間做嘅嘢都「沖」住上！
床哥指喺呢件事入面，Edan、姜濤、YT周殷廷三個之中，覺得係最影響到中間人YT！講返件事爆發後，佢話曾同Edan有說有笑咁溝通過，結論係件事嘅發酵程度比佢哋想像中大，亦令床哥開始意會到身為公眾人物有嘅影響力！咁佢有冇後悔第一轉拉票講過嘅嘢？床哥答當刻只係閒話家常，諗返起自覺係諗得唔夠周詳！
惟床哥承認第二次live嘅內容，當中包括再回應Edan受訪內容、兼以「師兄」嚟形容姜濤係有意氣之爭，情緒係有激動！再講到佢喺IG名隔離新增「有品」行為，床哥都係意氣用事？佢又點自評係咪一個有品、心地善良嘅人？
而提到佢喺live有同姜濤道歉，咁有冇諗過會同埋最初當事人Edan道歉？JFFT會唔會出席叱咤頒獎禮？見到MIRROR會唔會尷尬？會唔會諗點破冰？另外，事件影響到埋囡囡，床哥之後會唔會慎言？即刻睇足本訪問聽床哥點講！
