【Viu】陳寶珠同Jay Fung馮允謙今日出席慈善活動，吸引大批銀髮影迷嚟撐場，寶珠姐亦主動同Fans握手問好兼大合照，相當寵粉！寶珠姐感謝影迷們支持咗自己60年，一齊長大同變老，但暫未打算舉辦影迷活動，皆因自己係宅女咁話！講到首次同Jay Fung見面，佢大讚後輩有禮貌又識氹人，雖然深居簡出，但都有留意Jay嘅作品。至於那些年嘅粵語片拍檔呂奇傳死訊，寶珠姐表示同奇哥幾十年冇聯絡，只係透過朋友聽到傳聞，無法求證。
至於Jay Fung首次見寶珠姐超緊張，仲爆父母本身想嚟追星，就算夾唔到時間都要幫佢哋拎簽名，仲話大前輩知道自己個名係成就解鎖！Jay又透露前日參加903籃球賽時感受到YT大哥有幾大隻，可以一嘢撞飛自己，仲讚「大表姜」好波，最羨慕Stanely嘅最強Body！此外，Jay直言有信心《叱咤》攞獎，已經book定機票畀媽咪返嚟見證自己嘅高光時刻。
