【Viu】Joey容祖兒同師弟組合Locksmiths開鎖佬一齊出席聖誕亮燈活動，仲話想同師弟合作添，開心屎開鎖佬喇！祖兒多謝Fans話自己似「水怪」HANGYODON帶挈吸金，自覺豐厚嘴唇份外神似，屋企都有唔少珍藏呀！
講到早排喺江門演出時，因為失聲而無法獻唱，令現場觀眾鼓譟嗌退票，祖兒親自還原事發經過，原來當時因為細菌入侵聲帶導致失聲，一度考慮唔上台，但唔係個人能力可以控制，亦明白觀眾嘅失望，唯有下次有機會再去當地表演補數。
祖兒坦言聲帶問題係歌手嘅職業病，又慨嘆：「冇人想病到咁嘅！」希望大家體諒啦！佢又話已經中西醫雙管齊下治療聲帶，亦冇再接新工作，等自己可以好好休養，最慘係要少說話養聲，笑認好難「忍口」呀！講到網傳歌曲《九秒九》會殺入「叱咤十大」，祖兒今年會唔會現身頒獎禮呢？睇足本訪問就知啦！
