【Viu】薛家燕同巴黎殘奧羽毛球銀牌得主陳浩源今日一齊出席活動，講到螢幕播出家燕姐喺45年前同梁醒波、繆騫人嘅工作合照，佢即笑認冇乜點變，唯一變化係額頭粒癦越嚟越大，仲生埋「發達毛」添，笑Cry呀！
講到以往合作無間嘅小生呂奇驚傳離世，家燕姐憂心忡忡話仲未求證到，希望傳聞唔係真嘅，仲回想那些年同奇哥合作嘅趣事，最欣賞係對方嘅招牌瀏海同獨特嘅說話方式，又自爆當年試過同奇哥「示愛」添呀！
此外，講到最近大熱神曲《APT.》，家燕姐之前已經跳咗，連3歲嘅孫仔都要求同佢跳返Part，咦？咁會唔會加入「十字步」呢？睇訪問就知啦！
