【Viu】Jeremy@MIRROR今日單拖出席活動，期間表演一口食雪糕而唔整污糟個嘴仔，新技能get！問到最想同邊位MIRROR成員冧食雪糕？Remy扮諗咗一陣答「大表波」Stanley，笑住解釋Stanley噚晚喺fans meeting「激嬲」咗佢，巨龍與豬仔咁樣打情罵俏法，要戴返副黑超先得啦！
Remy澄清其實玩遊戲嗰陣冇嬲豬，只係有好勝心啫！咁邊位兄弟最有好勝心先？不過佢同Anson Lo呢pair「95line」，何解由Day 1嘅萬幾分，變Day 2得2000分？究竟發生了甚麼事？Remy最深刻又係玩邊個game？
講返Remy首以個人歌手身份喺海外演出，壓軸登日本東京國際音樂市場（TIMM），到呢個moment佢都依然話爆緊張，等同好似第一次見花姐咁，所以一時唔記得嗰段背咗好耐嘅自我介紹日文！Remy又笑話唱《First Love》嗰陣唔敢望觀眾，呢日就畀個機會佢望住鏡頭唱一小段啦！Remy想唔想出日文歌，打入日本市場？佢喺日本街頭反影返Unicorns打卡發生咩趣事？依家即刻睇足本訪問，小心被Jeremy sweet親！
