【Viu】賀歲片《祥賭必贏》今日舉行開鏡拜神儀式，一眾演員包括張繼聰、「阿Sa」蔡卓妍、Stanley@MIRROR、kayan9896、楊偉倫、胡楓、朱栢康、楊偲泳、麥子樂、林耀聲等晒冷現身！阿聰同阿Sa今次就演兩公婆，佢哋透露一個係好爛賭、一個就好憎人賭，超大反差！阿Sa仲笑話呢次個角色好似為佢度身訂造咁fit，有「雀后」之稱嘅佢，唔知有冇機會喺大銀幕大顯身手？而阿聰就自爆有童年陰影，稱從此對賭麻麻，農曆新年主力做「財神」派錢！
電影開拍咗幾日，阿Sa趁機「投訴」阿聰成日爆肚搞到全村人笑到NG，阿聰則點名大讚修哥係忍笑高手！至於之前單租場風波，阿聰指風波已跟隨風球吹走，希望唔好再有溝通上嘅誤會發生！
903籃球賽將至，身為隊長嘅阿聰ready好未？睇到Stanley@MIRROR條穿針英姿片有咩comment？阿聰再度貼心叫DJ隊要小心身子，抵死笑話睇森美post嗰條籃球片，唔係睇佢嘅英姿，而係睇佢嘴唇有冇發紫，錯fo到呢！睇片小心笑到有腹肌！
