【Viu】人氣DJ黃正宜（阿正）嘅處女Talk Show《正DIVA》今晚舉行尾場，MIRROR「95Line」Anson Lo同Jeremy結伴睇騷，仲跟住背景音樂跳神曲《APT.》；「六膠」嘅Jeffrey同Hillary亦有撐場，可見阿正人緣超好！
正姐又跳又唱揭開序幕，當然唔少得有壯男伴舞啦，仲打孖嚟添，嗰吓「人肉滾筒」真係睇到小編嘩嘩聲呀！正所謂咁易畀你估到就唔係正姐啦，Opening一完就落台握手，high爆全場！
其後阿正換上閃爆公主裝喺觀眾席後方登場，送上新歌《DiDiDiva》，全場即大叫：「阿正好靚女！」有品味呀！身為「香港首席痴女」嘅阿正，喺跑返上台期間仍然有時間撩男神Jeffrey，但驚見花姐坐旁邊即刻收斂晒，笑Cry呀！
