【Viu】一身pink lady裝扮嘅「阿Sa」蔡卓妍，今日以形象大使身份出席賽馬活動，搞笑話誤信爸爸畀嘅「山埃」tips，令成team人跟咗佢一齊「做善事」，又指唔知係咪都關佢今年犯太歲事！阿Sa喺今個月尾生日，透露會喺加拿大開巡唱中度過，講起佢上次現身公司珠寶店有fans代佢向老闆楊受成爭取珠寶生日禮物，唔知壽星女有冇收到禮物呢？
阿Sa依家同張繼聰拍緊賀歲片，早前發生不愉快事件，被指硬闖徐天佑太太小店拍攝，阿Sa話當下唔知發生咩事，仲笑指有幫襯到小店添！
七師傅呢日戴到成身珠寶咁貴氣登場，勁hyper咁話啱啱幫咗位馬主朋友同佢隻馬傾偈做傳心術，最後爆冷跑出首次奪冠添！聲稱會同屋企啲螞蟻傳心嘅七師傅，講返啱啱嘅傳心過程，佢話跟住隻馬跑足3圈沙圈，搞到佢身水身汗兼又被五馬分屍！唔知七師傅又有冇幫保錡算吓佢段緋聞呢？
另外，同場Shirley沈殷怡又有冇小賭怡情？平時贏多？提及屋企再盛產多名律師，Shirley又點同細佬慶祝？早前佢同Thor主持嘅旅遊節目《高質旅行包膠》大獲好評，會唔會開第二季？Shirley仲透露啱啱拍完新劇《數字人生》，戲中演夜更的士司機嘅佢，又想唔想考返個車牌呢？想知就快啲睇足本訪問片啦！
