【Viu】ViuTV全新節目《選角》今日舉行記者會，策劃人謝君豪同主持Peter陳湛文齊以喬布斯Look現身，笑認要打造有質感嘅造型。首次挑戰真人騷，豪哥直言今次碌爆人情卡，第一個碌嘅就係Peter，Peter即笠師兄高帽話：「豪哥叫我去托杉都制呀！」佢哋又話最難忘係海選時嘅超長錄影時間，由07錄到27，雖然燃起對主持嘅興趣，但Peter就笑認連「全能強尼」嘅車尾燈都睇唔到呀！
獲豪哥同Peter點名力讚嘅Willis、Caro、C Ryan同Zita坦言受寵若驚，導演出身嘅Willis原來為《飯戲攻心2》拍過BTS，早就同豪哥結緣；Caro就係《狂人日記》MV女主角，希望同Jer合作。至於曾參加《造星IV》嘅暐翹同右雨，就踢爆「靚仔擔當」Meaning同Matthew冧暈工作人員有優待。想知就睇足本訪問啦！
