【Viu】「院長」洪嘉豪同Angela袁澧林今日喺維園出席網球活動，同傳奇球手李娜同場開波，威豬呀！叱吒球壇嘅「屯門沙維」謙稱喺網球場上只係「屯門球僮」，又分享喺903足球賽對「黃大仙尼馬」Jer另眼相看，大讚佢對球賽嘅閱讀能力高，名副其實係「風之子」！
噚日33歲生日嘅Kaho，同屋企人拆大閘蟹慶祝，仲有感而發要多啲陪媽咪，又自認係家用方面早就係「孝順仔」級數，認真搞笑！講到公司高層送上「假Rosé」簽名賀壽，佢就還原被fake經過，仲話收到小朋友送上Rosé x Bruno Mars嘅洗腦神曲《APT.》祝賀，笑Cry呀！而澳門演唱會引起嘅貴飛合照風波，Kaho都首度開腔回應，希望大家諒解啦！
此外，成年冇喺香港出席活動嘅Angela，親解加入公民女足係為咗作品，但澄清並非參演星爺嘅《少林女足》，又分享同台灣男神許光漢合作電影嘅趣事，各位許太太密切留意喇！
