【Viu】阿Dee@ERROR同Locker林家熙繼電影《闔家辣》之後再合作拍輻射災難片《焚城》，身份由同學仔變威風凜凜嘅消防員！Locker自爆細個堅係想做救火英雄，仲身體力行去投考兩次，但可惜都係喺筆試「肥佬」，自認聰明絕頂嘅佢都想問個天點解呀！
做消防員所需要嘅體力都唔惹少，阿Dee直頭話係體能大爆發呀！事關佢喺戲中要着住full gear咁抱起個小朋友，笑話喺真正roll機嗰陣鬼咁狼狽，都好好奇依家啲小朋友係食咩大！同時阿Dee又要扶住戲裏戲外都受咗傷嘅Locker，真係少啲臂力都唔掂！講番轉頭，Locker又因咩事整親斷右腳韌帶？
仲記得阿Dee曾因模仿劉德華而被封「華Dee」，二人之後亦係《金手指》合作過，但估唔到阿Dee至今齋係提起劉華個朵都會淆底、怯！雖然呢次喺《焚城》冇同場機會，但阿Dee話身兼監製嘅劉華都有探班，繼而阿Dee自爆同劉華最close嘅一次係爭取食對方嘅「私家菜」，竟然咁大膽？想聽阿Dee還原食「私家菜」過程就即刻click入專訪片睇啦！
