【Viu】《九龍城寨之圍城》其中三位巴打，胡子彤、German張文傑、Philip伍允龍再次孖住上拍電影！呢日見German着到全身綠色戲服現身《臨時決鬥》開鏡拜神，頂綠帽咪係男人大忌？佢又被子彤、Philip指係喺戲中打得最甘嗰個添！
啱啱闖樂壇出歌嘅子彤，話開始enjoy喺舞台上唱歌，謙稱仲有好多進步嘅空間！但每當以「歌手」嚟稱呼子彤嗰陣，佢都即刻怕醜到紅都面晒！日前佢去電台宣傳新歌吸引勁多fans到場支持，子彤話諗都冇諗過！
而新歌《男人難以說的話》嘅首唱就獻咗畀古天樂個生日party，子彤自爆遇音響故障，過程險過剃頭呀！佢又話都有向林峯取經，講到被「我最喜愛男歌手」古仔讚有實力，佢又有咩反應？想明年初音樂頒獎禮上爭新人獎？之後又會唔會出跳舞快歌？
另外，講到子彤噚日戰「903足球賽」，佢指雖然落敗，但已經盡晒力啦！佢笑話成功令German愛上足球呢項運動，私下仲組咗team足球隊，Philip即呷醋問點解冇佢份，子彤又點用智慧解圍呢？想知就睇片啦喂！
