【Viu】日本男神木村拓哉太太工藤靜香聽晚（24日）就喺麥花臣開騷啦！女神今日大約喺2點15分步出接機大堂，見到半百fans攞住CD同花迎接顯得勁開心，喪say hi又派心心！
但當工藤靜香行出閘外後，fans加圍觀市民突然同時向前衝，搞到現場極度混亂、寸步難行！本身慢行緊嘅工藤靜香見狀即時停低受訪，佢開心話見到好多fans好熱情！
講到佢事隔31年再嚟香港開騷，工藤靜香指本來都想快啲，呢次就專登為香港fans改rundown！雖然佢話今次未有表演廣東歌，但期間都有大晒廣東話，kawaii呢！唔知工藤靜香嚟到香港想食啲咩？女神仲話想行超級市場，勁貼地呀！
受訪後工藤靜香慢慢步行離開，期間貼心叫大家小心啲，又好nice咁收fans嘅禮物同花，中途見到fans帶埋BB嚟追星，都秒速母愛泛濫停低伸手玩B，冧到爆呀！最後臨上車前工藤靜香仲同傳媒講bye bye添！聽晚要good show呀！
