【Viu】Candy@COLLAR首部主演電影《邪Mall》今晚舉行首映禮，佢孖「爸爸」姜皓文、「阿卵」楊偉倫登場！黑仔大讚「囡囡」Candy好勤力、好乖，好有做演員嘅potential，畀阿女98高分，勁呀！Candy就指黑哥好平易近人，但一見面就要拍鬧交戲，呢個係令佢最緊張！
首以主角身份參加首映禮，Candy笑話要克服心理障礙，事關屋企人同COLLAR其中4位姊妹Ivy So、Day、Gao、芯駖等會嚟撐場，Candy話即將喺大銀幕見到自己會好老尷！同時嗌老尷嘅人竟然仲有阿卵，事關佢抵死笑話怕見到戲中啲殭屍靚仔過自己！適逢電影會喺萬聖節上映，Candy話好想試着阿卵喺戲中着嘅道士服，到時會唔會有機會見到佢哋3個扮鬼扮馬咁去謝票先？
嚟撐場睇戲嘅肥腸就話睇驚慄片係要有timing，而嗰個timing就係溝緊女嘅時候啦！不過，肥腸話近期都真係少睇咗，咁大家明點解啦！之但係呢條橋嘅成功率有幾大先？《膠戰》宣布開season 4，繼Jeffrey吹大話會去英國拍攝後，肥腸持住「夠膽講就會有機會」嘅「膠規」，加碼話上月球拍攝！呢期佢仲專登做運動減磅迎戰，唔怕被「家姐」Hillary嘅暴力威脅！肥腸又搞笑話最近見到「爺爺」岑珈其出片教英文，究竟搞邊科？六膠會唔會有新主題曲？會唔會總動員去撐阿正talk show？足本訪問ready好啦！
