【Viu】由林明禎、「小龍」凌文龍、Coffee林芊妤主演嘅電影《把幸福拉近一點》，今晚喺奧海城舉行慈善首映禮，巴黎殘奧會硬地滾球港隊代表何宛淇驚喜現身分享感受！期間明禎BB自爆曾考美容師執照兼開過spa店，同戲中嘅按摩師身分不謀而合，之後喺受訪嗰陣又開心share之前做過嘅part time、夢想做廚師，女神真係百足咁多爪呀！
小龍能夠享受明禎BB親手按摩，難怪佢自認係最幸福嘅男人啦！但驚唔驚收刀片先？講開又講，佢哋嘅謝票福利又會唔會係同fans按摩？明禎BB同小龍聽到秒立flag，票房破一千萬、二千萬都有special福利！
明禎BB呢期重拾歌手身份出新歌《ON CLOUD NINE》，小龍即刻騷quali，成功搏到女神一笑！有唔少fans都話見到MV入面嘅明禎BB咁sexy噴晒鼻血，女神點回應？唔知「E先生」Edan有冇睇過MV？有咩comment？遲啲會唔會有dance challenge？新戲又會唔會邀請E先生睇？即刻去足本訪問片睇女神冧笑回答啦！
