【Viu】Ivy So@COLLAR今日孖住兩大足球名宿摩連迪斯及路爾斯·加西亞，現身宣傳12月20號喺香港大球場舉行嘅皇馬球星VS巴塞傳奇表演賽。Ivy仲獲球星親授控球技術，同贈親筆簽名球衣，威到裂呀！
Ivy話噚晚緊張到瞓唔着，仲講笑話今日專登唔着波鞋，控球差就賴對鞋。佢又話全家得佢一個愛足球，仲孖隊友Candy、Marf跟前港隊隊長陳偉豪學踢波，但Candy學咗一堂就唔玩。
Ivy又誤爆Marf同Locker拍拖活動之一就係踢波，喂呀巧Sweet！Ivy話恨睇20號嘅世紀大賽，可惜撞咗開騷，想睇吓Ivy有幾興奮？入嚟睇足本訪問片啦！
