【Viu】肥仔@ERROR、CY陳宗澤今日喺將軍澳出席商場騷，肥仔父母專誠捧場，孝順仔仲特登揀首《Dear MaMa》唱俾媽咪聽，係愛呀！而CY挑戰Eason嘅《歲月如歌》，第一句就蝦碌唔記得歌詞要重頭起歌，佢話：「原來首歌好Heavy。」
肥仔接受訪問時話同CY約過打友誼羽毛球，但笑話依家波友已轉咗做釗峰。二人都表明恨同台開騷，仲爆保錡試過同高層爭取但失敗。講到肥仔噚晚睇Jay Fung演唱會尾場，佢話對方又瘦又靚仔咗，仲驚訝又葡萄佢當眾胸襲Ian。
而CY早前擔任周慧敏廣州演唱會嘉賓，被女神叫錯黃宗澤，佢話唔介意，仲話由細到大花名都叫Bosco。另外Win Win近日傳同KC分手，Friend底嘅肥仔話無謂過問，就算ERROR兄弟嘅感情狀況佢都唔八卦咁話！不過就怪3爺咁快賣走法拉利唔俾冇牌嘅佢扮揸喎！仲唔快啲入嚟睇咁豐富嘅訪問！
