【Viu】Gigi梁詠琪將於11月27號至12月1號喺演藝學院舉行Side Track音樂會《時間遇上我們~專屬的特別》香港場，百份百唱廣東話，為各位忠粉送上百份百感覺！Gigi親解開Side Track騷嘅原因，仲爆埋歌迷心歌單，最估佢唔到嘅係，Hit到今時今日、畢業必唱嘅《Today》，其實當年都唔係主打歌嚟㗎！雖然囡囡Sofia都識唱《Today》，但Gigi就想為咗囡囡跳出Comfort Zone，打造一首韓式唱跳歌！
歌曲當然要與時並進，但Gigi嘅美貌真係百看不厭，佢竟然謙稱自己只係「順眼」，令全場嘩聲四起！入行以來同各大男神合作過嘅Gigi，原來對小鮮肉都會望多兩眼，仲大讚Jeffrey好靚仔；Edan好醒目！想了解更多就睇訪問啦！
