【viu】Kay謝安琪早前為主演電影《臥底的退隱生活》飛馬來西亞，參與當地電影節嘅開幕禮，佢坦言估唔到反應咁好，直頭打咗枝強心針咁！Kay又指有馬來西亞fans問佢幾時去大馬開騷，適逢出年係Kay出道20周年，佢透露有意開20周年演唱會，已一直入紙紅館，至於會唔會走tour，就要再plan啦！
903籃球賽將喺11月舉行，兩隊隊長張繼聰、森美未落場先開火，森美更揚言：「今年張繼聰必敗！」Kay食花生mode笑話佢哋只係製造氣氛啫，力證佢哋私下嘅對話係好溫馨嘅！Kay又爆老公好在乎呢次球賽，咁唔知女神會撐邊隊？到時會唔會帶埋仔女到場支持？Kakaball支持Daddy定Anson Lo先？而貴為打羽毛球始祖嘅Kay，又有冇報名參加903羽毛球賽？即刻去片睇足本訪問啦！
