【viu】Joey容祖兒今日現身動畫電影《荒野機械人》首映禮，戲中Joey聲演主角機械人，佢話呢次配音最難嘅係冇partner，要自己一個配晒全套戲，仲要醞釀埋機械人把聲！
本身Joey話都想叫埋姪女嚟睇，但可惜姪女發燒嚟唔到！不過Joey就冧笑話姪女早兩個月、每個星期六都有去澳門睇佢開騷，又爆姪女笑問佢會唔會唱《唔識換片》（《桃色冒險》），超打耳，搞到Joey堅係想出隻兒歌碟！
重提番Joey係其中一場澳門騷，出咗個小意外險跌落台，Joey自稱比較樂觀，當刻都淨係識得笑，好彩只係擦瘀咗隻腳！騷後佢話有加強做gym訓練，令自己手腳更靈活，咁有冇興趣join埋阿Sa、Kenny一齊做gym？
Joey亦有透露籌備緊香港騷，心水場地係新場啟德，但暫時所有嘢都係好初步，要等完埋下年再有嘅10場澳門騷先可以落實！另外，Joey呢次都只係為動畫聲演，又有冇興趣拍戲呢？想知Joey點答就快啲click入嚟睇足本訪問啦！
