【Viu】「前輩」Thor駱振偉呢次艷福無邊啦！可以分別同3位美女，Shirley沈殷怡、Chloe蘇皓兒同Renee李蔓瑩一齊去旅行拍旅遊節目《高質旅行包膠》，呢單嘢真係葡萄死全港男士！Thor仲話事前唔使同老婆備案，因為老婆係完全唔介意！
自稱有「ViuTV懦夫」美譽嘅Thor，喺受訪嗰陣不停被3位美女輪流舉例以證細膽、錫身！先有Chloe爆Thor唔敢玩BB級數過山車，再有Renee笑Thor玩賽車僅時速約100公里，零速度感勁安全！Shirley補多槍笑指同Thor都有玩過山車，Thor係邊玩邊向佢大嗌「對唔住」，畫面爆笑！
Thor透露有同Shirley去咗個佛祖主題嘅水上樂園，遊走咗轉「地獄」之外，更差啲要陪Shirley入醫院，究竟Shirley發生咩事？佢哋又試咗啲咩暗黑料理？Shirley直言比食生雞係更衝擊！雖然Thor自嘲係懦夫，但Chloe都有幫Thor講好說話，指對方曾英雄救美！
另外，Renee早前疑被前度爆搭上人夫，甚至有網民瘋傳嗰位人夫正係一齊跳繩嘅Thor！呢日Renee就澄清傳聞，又自稱依家係單身，希望如相士所講今年可以開花結果！即刻去睇足本訪問片啦！
