【Viu】久未喺公開場合露面嘅Alfred許廷鏗，今日着到靚一靚現身時裝活動，被大讚仲keep到弗爆身型，佢自爆係打羽毛球嘅功勞！Alfred笑話知道近期潮講「打羽毛球」，但佢利申佢係堅打，仲勁自豪話一個揪兩個，只係攰啲啫！
Alfred啱啱喺加拿大開騷返嚟，見到當地fans咁撐自己都好感動，所以都計劃開巡迴演唱會，兼遲吓出碟想親手帶去加拿大送俾fans添！若然加拿大騷成事，叫埋老友Joyce鄭欣宜一齊去？Alfred話當然想，更透露Joyce收緊demo籌備緊新歌添！
Edan@MIRROR近日自揭中學時被封「荃灣許廷鏗」，Alfred笑話有留意到，又再攞返「將軍澳吳尊」呢個朵出嚟自嘲！唔知Alfred又覺得Edan中學嗰陣似唔似自己？
同場Philip伍允龍指腳傷好返好多，仲要keep住做物理治療，而佢亦喺上星期補拍返電影嘅大打場口！嚟緊佢會為新戲《武替道》宣傳，再次同「信一」劉俊謙拍住上，Philip話同熟人一齊開工易夾啲！另外，Philip日前喺IG出post悼念婆婆，佢指因為工作關係，返唔到去美國送婆婆最後一程，但佢相信婆婆喺天家會睇住佢！入嚟睇足本訪問啦！
