【Viu】Jer柳應廷同MC張天賦嘅《KATCH OUR LIFE Jer柳應廷 x MC張天賦 音樂會》昨晚（31日）舉行尾場演出，Jer同MC與觀眾全晚都high到爆，音樂會尾聲特別嚟個真encore，掀起高潮。
音樂會一開始，Jer與MC忘我演繹多首高難度作品，包括Jer打太鼓演繹《約齊靈魂在墳墓開生日派對》。佢哋話嚟到最後一場唔會留力，Jer事先張揚歌單會有改動：「大家有福喇！因為今（昨）晚嘅rundown係唔同嘅，頭場比較多MC嘅歌，今日就比較多我嘅歌。我都好期待MC唱我嘅歌。」接著二人合唱昨晚限定、Jer嘅《坐看雲起時》。
音樂會尾聲，當然唔少得encore位，Jer與MC唱出另一首昨晚限定嘅《大海少年》，二人更落台走近觀眾席與fans嚟個零距離接觸，握手自拍派心有求必應，fans自然興奮至極！音樂會完結之時，觀眾都係唔捨得走，encore聲不斷，終於感到佢哋再次登場，二人演繹《老派約會之必要》後完騷，Fans亦盡興而歸。另外，毛姐毛舜筠、Jeffrey魏浚笙、吳浩康、吳林峰等亦前來撐場。
