【viu】久未在港公開露面嘅鄭伊健今晚同楊偲泳、張文傑及陳慧珊，喺柴灣出席名車活動！講到買車換車，伊健受訪時話
以前換車話換就換，而家就用到架車圓滿先考慮換，真係慳家咗好多喎！講到早前去台灣宣傳，上小S節目時遭對方飛擒大咬抽水，有冇嚇親？伊健話
大家唔同文化啫，仲大讚小S好專業，因為知道咁樣玩先可以吸引多啲人睇，做到宣傳咁話！
大家一直以為伊健同太太蒙嘉慧早年已移居日本福岡，佢今晚解釋話其實佢哋一路都喺香港住，只係老婆喺日本做嘢要過去陪佢啫，咁會唔會仿效梁朝偉喺日本買地皮起屋？伊健自言冇咁犀利，佢自己不嬲都係採旅居方式！佢都有留意日本多地受颱風影響，佢話唔只日本，全世界都受到極端天氣影響，大家都要小心天氣反常，至於之前被偷影同老婆食魚蛋粉，老婆素顏被指衣著隨意，伊健話其實佢冇嬲，只係覺得都冇法啦，科技咁先進！想睇伊健足本訪問，快啲Click入嚟啦！
