【Viu】樂隊ROVER、陳柏宇、林奕匡同力臻等，今日喺澳門出席濕身音樂節，ROVER以《前傳》打頭陣，唱到Supper Moment嘅《飛》嗰陣，希晉仲除褸騷肌，佢自言最近努力做Gym，已經練成4嚿腹肌，目標係要喺兩個月內睇齊「大表波」Stanley，嘩，好有志氣喎！
近排勤做Gym減肥嘅亨仔，又公開爭取健身室sponsor，仲話要捉埋Kim去操肌，但就畀隊友踢爆就算一日食一餐都超大食，噚日就鯨呑咗24碟壽司，笑爆全場！
至於「主場」嘅Jason Loi，獲父母送上大堆餃子應援，笑認有「衣錦還鄉」feel，雖然有叫「鄉親父老」捧場，但家姐偏偏喺今日去咗香港。而希晉就透露咗一個偉大嘅生日願望，仲要求經理人寶姐為ROVER付出更多，想知ROVER有幾大膽？睇足本訪問就知啦！
