【viu】麗英@小薯茄近日推出新歌《解咒說明書》，喺IG發起收集大家嘅失戀故事，噚晚佢就喺尖沙咀嚟個快閃busking，同fans一齊唱新歌解咒！當麗英見到成班fans坐定定等佢即忍唔住喊，又邊講感受邊哽咽，但都不忘搞笑本色，笑話再喊就變「鼻音星人」！
佢話今次大約收集咗近百個fans嘅失戀故事，唔知麗英最深刻係邊個？一向嘻嘻哈哈嘅麗英，呢排宣傳新歌要keep住個emo狀態又慣唔慣？當問到佢依家身邊有冇追求者嗰陣，麗英大爆身邊至少有三大型男，當中更不乏韓仔添！果然係有啲料到！唔知啲「追求者」又fit唔fit到麗英set嘅擇偶條件？
每次麗英出歌，小薯茄必定鼎力支持，富哥喺廁所展現歌喉、阿冰同J哥就拍咗個小劇場，令麗英感動到爆！呢次麗英仲可以衝出香港，飛日本拍MV，佢抵死笑話用盡所識嘅日文向拳擊教練示愛，真係cute到吃手手呀！快啲睇現場情況同訪問片啦！然後再Loop爆麗英首《解咒說明書》啦！
