【Viu】自稱cosplay界新人、72歲嘅謝雪心，第二年再戰動漫節，今次升Lv一人分飾兩角，上演一齣小劇場，先以動漫《Spy x Family》中嘅「爸爸」洛伊德、孖「囡囡」安妮亞亮相，就已經夠晒surprise！去到中段心姐更變身做「媽媽」約兒，短裙仔配黑色過膝長boots大晒絕對領域，sexy到台下fans嘩嘩叫，心姐確係堅！
心姐受訪表示今次想帶出親子主題，歡迎親子一齊cosplay，唔知佢下次會唔會同埋個女，母女檔拍住上？又唔知今次對心姐嚟講，最大挑戰係咩？同壞人對峙嘅動作場口？抑或係中途quick change？將時間交畀心姐，快啲睇片啦！
