【Viu】商台長壽晨早節目《早霸王》節目今朝瘋傳「執笠」，震驚香港七百萬人！主持之一嘅森美大哥，趁今晚現身演藝學院睇舞台劇受訪回應事件！佢派定心丸指《早霸王》唔係停播，只係有所調動，撥咗半個鐘時間畀一個「大到冇得再大」嘅特別節目啫，又抵死笑話估唔到有咁多人關心佢嘅生計！
有傳因8月係電台65周年大日子，佔領《早霸王》半個鐘嘅特備節目係一個叫《今朝多珍重》嘅大型廣播劇，影帝林家棟都有份獻聲！大哥一句：「唔止家棟哥⋯」間接承認真有其事，佢仲預告有好多重量級人馬加入！
對有網民獲悉《早霸王》停播假消息，矛頭直指主持之一嘅梁嘉琪佗衰家，又話冇咗Marco就好耐冇聽節目，森美大哥又點回應？另外，囡囡梁曦童考IB獲44分榜眼成績，大哥指梗係開心，有獎勵囡囡，暫時未知囡囡想讀邊科！但依家擔心嘅心情較多，因為囡囡身在台灣，當地遇超強颱風，咁真係要小心啲啦！
