【Viu】男神周殷廷（Yan Ting）噚日現身大圍，出席新加坡品牌PEDRO香港首間實體店舖活動，一改All Black Style，以Beige Tone示人，令一眾「殷廷大軍」心心眼兼不斷高呼好靚仔！
喺新加坡長大嘅YT表示，今次出席PEDRO活動份外有親切感，好似見返「同鄉」一樣，仲大方分享秋季買袋買鞋心得，係咪好想知YT大哥鍾意女仔咩打扮呢？
講到日前任Sammi演唱會嘉賓，首踏紅館兼首任嘉賓嘅YT大哥，直言係成就解鎖，緊張到腦海一片空白，仲笑認獲天后欣賞肌肉係榮幸，反讚Sammi先係肌肉擔當。一身肌肉向來吸睛嘅YT大哥，原來都有「肌肉焦慮」，壓力來源係嚟自圈中一位大隻仔，對方個名同樣「有Y有T」，仲誓神劈願話一定唔會同呢位仁兄一齊做Gym！
YT大哥仲預告最近會拍兩套電影，其中一套同「極速」有關；又即為DSE考生打氣，想開心返埋嚟就睇訪問喇！
