【viu】Philip伍允龍、黃祥興同Andy黎展峯今日喺港台出席奧運節目記者會，早前拍戲受傷嘅Philip，自備「私家車」代步，親自還原受傷過程，仲話獲「城寨四少」慰問，又搞笑話想做林峯澳門騷嘉賓齊齊唱《Monica》！人氣急升嘅Philip，早排喺內地出席活動獲大批Fans捧場，佢笑指明明《九龍城寨之圍城》係功夫片，估唔到收獲偶像劇《流星花園》嘅效果，仲自爆那些年做過好兄弟吳建豪嘅替身，一早已經感受過畀Fans簇擁嘅感覺！
至於舊愛鍾嘉欣今日喺活動上暢談8月會喺廣州開騷，Philip大方話若然對方邀請會去捧場，但唔會做嘉賓，只會做觀眾。Philip仲親回「阿叔手機殼」一事，展現踏實一面，睇嚟又要圈粉喇！
此外，適逢今屆奧運喺巴黎舉行，喺法國長大嘅祥興即席教Andy講法文，令Andy自覺巧Sexy呀！快啲睇片啦！
