【Viu】Sammi鄭秀文共13場紅館騷《You & Mi世界巡迴演唱會—香港站》今晚開鑼！呢個紅館騷原定上年7月舉行，但Sammi喺騷前兩個月染上新冠肺炎，好返又有長新冠後遺症，最終無奈宣布延期，約定大家一年後再相聚！
甫開騷，先有數十個「金人」由台邊現身，齊齊步向另一台邊迎接駕駛住綠色機械人嘅Sammi霸氣登場，全場即喪尖叫歡呼！Sammi以《朝聖》揭開序幕，機械人慢慢移動至台中，配合射燈、煙花嘅舞台效果，滿足晒fans視覺、聽覺，Sammi世一！
第二首帶嚟金曲《發熱發亮》，機械Sammi由Dancers攙扶離開機械倉，露出6吋超高嘅高踭鞋，見Sammi每步都行得超小心！之後直接喺台上quick change，女皇Sammi誕生！Sammi趁換衫嗰陣同fans打招呼：「你哋好，我係AI文！」又講到：「365日嘅等待，首先喺度多謝你哋對我嘅包容，揸住張票，呆等咗一年，多謝你哋冇選擇退飛，繼續支持我！」再冧指喺籌備成個騷到今晚演出有個心情，究竟係點？就等Sammi親自話你哋聽啦！
另外，台下嚟睇騷嘅嘉賓有鍾楚紅、甘比同兩個女、劉天蘭、許鞍華、Nowhere Boys、梁釗峰及蘇永康夫婦等。
