【Viu】李龍基今日宣布月尾21日喺麥花臣開演唱會，講笑話呢次個唱名「李龍基基不可失‧真情流淚演唱會」可以吸引到fans，又自嘲近排因為私人嘢而非常之紅，自爆有人懷疑佢係假喊、戲子，基哥大方自認係戲子，並解釋戲子先有濃厚嘅感情，而當下係堅真情流露！對比起另一個騷名「女繼續追」，基哥話一開始係有抗拒！
未婚妻Chris被判入獄25個月，基哥眼紅話有好多朋友雪中送炭，連講3次「堅強」，唔想令朋友擔心！講到基哥喺Chris判刑當日晚去咗葉子楣生日party，被網民笑指佢朝早喊完夜晚笑，基哥都有為呢件事解畫！
基哥指依家一個月可以探Chris兩次，每次見未婚妻都會求一次婚，又即場對燈火發誓，一旦Chris出獄就去簽字！佢指Chris初初對刑期難接受，時間比心目中長，但依家都接受咗！最後基哥自爆有女性喺呢段時間想乘佢寂寞而入，自薦做新女朋友，基哥又經唔經得起呢個考驗？Chris知道又擔唔擔心？內容量max嘅足本訪問片送上！
