【Viu】影帝劉青雲與周文健、Cherry顏卓靈、「阿卵」楊偉倫及導演邱禮濤，今日齊齊現身戲院為《談判專家》謝票，更即場宣布電影票房破千萬好消息！
事後「談判專家」青雲孖三位「人質」周文健、Cherry、阿卵受訪，大放笑彈！先講起周文健當年幫青雲改英文名段故，周文健爆係諗咗3個名畀青雲揀，撇除青雲揀咗「Sean」，咁另外嗰兩個名係咩？周文健又趁機「投訴」青雲喺之前拍戲嗰陣經常整蠱佢、打佢個胸，青雲點笑爆回應？
Cherry指今次拍戲最難係忍笑，又話對住青雲有被電親，每日收工都唔捨得走，留低睇影帝做戲！呢group人咁歡樂，以拍笑片出身嘅青雲話都想原班人馬一齊拍喜劇，仲話越慘越好笑添！不過青雲自爆之前曾被批評唔好笑，究竟係邊個咁大膽？
阿卵戲中髮型被指撞「信一」劉俊謙，故有「信二」封號！佢笑話本身都好鍾意個look，但知道咁似之後唔敢keep，大讚劉俊謙有精緻面孔，而佢就係貞子面孔，又抵死拉埋導演落水添！另外，Cherry嘅造型就被讚似酒井法子，佢又覺得似唔似？即刻去片睇足本訪問！
