【viu】Edan呂爵安今日推出新歌《月光奏明曲Moonlight Sonata in “E” minor》，MV更放下男神形象，化身惡魔揭露人性醜惡，唱出社會上不求甚解嘅病態，嗒落有味！
Edan親解新歌嘅創作概念，靈感來自貝多芬嘅《月光奏鳴曲》，「月亮本身唔識發光，只係因為太陽嘅照射，人類喺地球上望上去，先見到月圓月彎唔同形狀，於是想藉此比喻喺資訊發達嘅『速食社會』，我哋睇每一件事就好似太陽照落去咁，佢係咩形狀就係咩形狀，唔會細心去考究！」
咦？咁Signature「E」又點解呢？創意十足嘅Edan就話：「E代表Edan，而Major、Minor平時喺音樂上有大調、小調意思外，其實亦有主流、非主流嘅意思，而今次歌曲係屬於Edan一啲Minor嘅想法，所以就用上E minor。」
為咗配合「非主流想法」，MV造型當然別出心裁，E先生今次就化身「有毛有翼」嘅惡魔，加埋Charm爆舞步，爵屎們loop爆新歌MV係常識啦！
