【Viu】COLLAR成員Candy王家晴同Alina李炘頤今日出席新劇《無人之境》記者會，Candy透露喺劇中同陳安立有親密戲，但點到即止，螢幕初吻仲保得住。講到前輩劉錫賢自爆3秒畀佢搞喊，Candy就謙稱係劇本好，亦會約COLLAR姊妹一齊睇劇，自己人撐自己人！對於被指同Fatboy@ERROR撞樣，Candy就唔多介意，仲好玩得咁認肥仔做「舅父」，又搞Gag話：「外甥多似舅呀嘛！」
至於Alina喺劇中演舞蹈員，劇組仲畀佢自選男伴跳舞，但笑認甚少同Stanley跳舞，所以冇邀請男友，不過唔介意情侶檔合作拍戲嘅。講返最近「鏡嫂」風波，Alina就冇乜留意，仲自爆有人群恐懼症，少去人多地方，如果Stanley有重要場合先會現身支持。
